Судска одлука за привремено „замрзнување“ на дел од имотот на Скопски пазар
Објавено во: Економија 26 Мај, 2017 11:12
Судија на претходна постапка донесе одлука за привремена мерка со која Скопски пазар нема да може да оттуѓи дел од својот имот и тоа конкретно недвижност заведена во ИЛ бр.1782 за КО Ресен (деловен објект и земјиште) додека трае постапката поведена од Јавен обвинител. Одлуката е донесена поради спор кој е поведен од акционери кои тврдат дека се оштетени од Скопски пазар АД Скопје.
- Заради обезбедување на имотно-правно барање на оштетените акционери во Скопски пазар АД Скопје, се определува привремена мерка-забрана на Скопски пазар АД Скопје да ja оттуѓи или оптовари својата недвижност или стварни права кои врз недвижноста се запишани во негова корист со прибелешка на таа забрана во јавна книга и тоа: недвижност заведена во ИЛ бр.1782 за КО Ресен (деловен објект и земјиште). Привремената мерка ќе трае до завршување на постапката, се наведува во објавата на Скопски пазар на Македонска берза.
Инаку Јавното обвинителство бараше од судот да донесе одлука за забрана за оттуѓување или други промени на недвижниот имот и хартиите од вредност кои се во сопственост на Скопски пазар, но тоа барање е одбиено како неосновано.
- Предлогот на Основното јавно обвинителство Скопје КО 3 бр.192/16 од 21.02.2017 година , уреден со поднесок од 05.05.2017 и од 19.05.2017 година, за определување на привремена мерка за обезбедување на имотно-правно барање спрема СКОПСКИ ПАЗАР АД Скопје со ставање забрана на Друштвото да ги оттуѓи хартиите од вредност запишани во негова сопственост при Централниот депозитар за хартии од вредност се одбива како неоснован.
Предлогот на Основното јавно обвинителство Скопје КО 3 бр.192/16 од 21.02.2017 година , уреден со поднесок од 05.05.2017 и од 19.05.2017 година, за определување на привремена мерка за обезбедување на имотно-правно барање спрема СКОПСКИ ПАЗАР АД Скопје, по однос на целокупниот недвижен имот запишан во јавните книги и цитиран во Решението II КПП бр.126/17 од 22.05.2017 година под римско III. како и по однос на недвижноста заведена во Имотен лист бр. 1782 за КО Ресен во делот “да ја дава под закуп“, се отфрла, информира Скопски пазар.
Можеби ќе ве интересира
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
Еве како изгледаат владини станови за млади луѓе од 21 квадратен метар во Холандија: Чинат 45.000 евра
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
