СУША ВО ГРЦИЈА: Од вештачко езеро се појави село
Објавено во: Балкан 03 Септември, 2024 17:14
Поради сушата кај јужниот сосед од вештачко езеро се појави село.
Урнатини од куќи во селото Калиja во централна Грција, до неодамна потопени во вештачко езеро, повторно се појавија поради сушата и поради намалувањето на нивото на езерото, главниот резервоар со вода за грчката престолнина Атина.
Поради намалувањето на нивото на езерото кое го исполнуваат блиските реки Морнос и Евинос пак се појавија урнатини од куќи.
Во вештачкото езеро Морнос, на 200 километри западно од главниот град, во последните месеци има 30 отсто помалку вода во споредба со минатата година, покажуваат податоците на водоводното претпријатие ЕЈДАП.
Јоргос Јосифидис, пензионер кој живее над поранешното село Калија, изјави дека нивото на Морноското Езеро се намалило за 40 метри.
Тој морал да ја напушти својата куќа на крајот на 1970-тите кога била изградена браната што го создала езерото Морнос.
Скоро 80 куќи од селото, црква, основно училиште беа потопени за да се обезбеди водоснабдување за Атина.
Климатските промени влијаат и на намалување на родот на многу култури. Има поплаки и дека маслиновото масло е скапо за шпанските граѓани затоа што родот е слаб.
Можеби ќе ве интересира
Вјоса Османи се пофали дека уште една земја го призна Косово
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација




