Светлечки растенија како алтетнатива за електричната светилка
Објавено во: Стил 11 Мај, 2013
Научниците од САД успеале со генетска модификација на растенија да направат тие да светат во темница, а како крајна цел на проектот е да го заменат уличното осветлување. Како што пишува „Дејли мејл“, генетичарите пренеле гени од светулки во растенијата, а се надеваат дека наскоро ќе може да модифицираат и поголеми растенија и дрвја кои во иднина ќе бидат природна алтернатива на електричните светилки.
За добивање на светлечките растенија научниците користеле ензимот од гените на биолуминесцентните суштества како што се светулки, некои видови медузи, печурки, бактерии. Потоа со помош на посебен софтвер во лабораторија дизајнирале нови секвенци на ДНК со овој ензим. Засега успеaле успешно да направат мали растенија кои светат, но им се потребни дополнителни парични средства за генетски да се модифицираат големи растенија.
