„Светот на Биби“ ја отвора вратата кон Блискиот Исток, Северна Африка и Канада
Објавено во: Мои пари 20 Ноември, 2023
„Светот на Биби“ потпиша договор со Маркетком (Markettcom), водечка агенција за лиценци на Блискиот Исток, Северна Африка (MENA регион) и Канада. Ова партнерство им овозможува ексклузивни права за претставување на „Светот на Биби“ во следните три години на клучни пазари, што е голема можност за ширење на брендот.
- „Светот на Биби“ има богат содржински материјал со фундаментални вредности и поттикнува позитивен развој на децата. Со помош на нашето заедничко искуство и посветеност на работата, ние сме подготвени значително да го зголемиме препознавањето на брендот „Светот на Биби“ и да постигнеме суштински раст на пазарот во опфатените региони - изјави д-р Амер Битар, основач и извршен директор на Markettcom.
- Партнерството со Markettcom сведочи за високите стандарди на работа на нашиот тим и за квалитетот во содржините што ги создаваме. Присуството на пазар со над 400 милиони жители претставува нов предизвик и огромен потенцијал за креирање нови содржини и уникатни производи - изјави Стојче Коко Ѓорѓиев, коосновач и извршен директор на „Светот на Биби“.
За „Светот на Биби“
Брендот „Светот на Биби“ е основан во 2018 година во Македонија. Со веселите карактери Биби и Боби се слават природата, пријателството и бесконечната љубопитност, вклучувајќи ги децата во волшебни авантури. Од импресивни анимирани приказни, преку живописни книги до весела продукција, овој универзум го отсликува единството, почитувањето и свеста за животната средина, истовремено обединувајќи ги различните култури. Брендот е веќе присутен во Србија, Хрватска, Словенија, Босна и Херцеговина и Црна Гора, а со поддршката од Фондот за иновации и технолошки развој се работи и на верзија наменета за албанскиот пазар. За повеќе информации, посетете ја страницата https://bwanimation.com/
За Markettcom
Markettcom е водечка агенција за лиценци во регионот на Блискиот Исток и Северна Африка. Markettcom има соработувано со познати брендови вклучувајќи ги The Met, Shaun the Sheep и Kukuli. Markettcom нуди сеопфатни услуги како претставување на брендот, продажба на медиумски содржини, поддршка на малопродажба и развој на бизнисот. https://markettcom.com/
Можеби ќе ве интересира
Samsung ве поканува на Galaxy AI Café на брегот на прекрасното Охридско Езеро
ХАЈДЕЛБЕРГ ФАКУЛТЕТ ВО СКОПЈЕ ПАРТНЕР НА ФРАНКФУРТСКИОТ УНИВЕРЗИТЕТ
ТИПСТЕР МАНИЈА, ТУРНИР ЗА СПОРТСКО ОБЛОЖУВАЊЕ НА 2win.мк
Во Шведска, каде драматично се намали бројот на смртни случаи од тутун, никотинот не е непријател
Хоратиус Радиксименуван за нов комерцијален директор на Кромберг и Шуберт во Битола и Скопје
Успешна и профитабилна прва половина од годината за НЛБ Банка
Новиот Transporter – Совршено работно место за професионалци во движење
Македонски Телеком го постави првиот подводен оптички кабел во Македонија
Сава пензиско друштво а.д. Скопје преку иницијативата „Вие ажурирате, Ние Донираме“ обезбеди донација за ЈЗУ УК за респираторни заболувања кај децата Козле Скопје
