Добивај вести на Viber
Превисоко е нивото на долгот во некои земји ова го укажа Џејн Армитиџ, координатор на Светска банка за овој регион.
-Би рекла дека долгот во Црна Гора, Србија и Албанија е на опасно ниво, посебно во Албанија каде достигна 60% од БДП, но забрзано расте и во Србија и во Црна Гора“, вели Армитиџ за Ројтерс.
Србија е земјата за која Светска банка има песимистички прогнози, бидејки се соочува со проблем да го стимулира растот во време кога настојува да го намали дефицитот во буџетот.
-Долготрајната рецесија во еврозоната значи дека се соочуваме со нова рецесија“, вели Армитиџ и додава дека според банката Балканот во моментов е во рецесија.
Албанија и поранешните југословенски републики се соочени со пад на извозот и намален обем на странски директни инвестиции заради должничката криза во еврозоната која е главен извор за трговија и инвестиции во регионот.
За Македонија Светската банка и другите меѓународни институции прогнозираат дека до крајот на годината економијата ќе излезе од рецесија, но раст нема да има. Односно БДП годинава ќе биде на нула или во стагнација. За догодина и домашните и меѓународните институции прогнозираат раст од најмногу 2%.
Земјата останува и средно задолжена со долг од околу 30% од БДП што остава простор за нови задолжувања за пополнување на буџетскиот дефицит.
Ваквите бројки за оваа и прогнозите за идната година ја прават Макеодонија лидер во регионот.