Светската банка им предвидува раст на сите, освен на Кина
Објавено во: Економија 05 Јуни, 2017
Светската економија во оваа и следната година ќе забележат раст, со што ќе допринесат до стабилни цени на услугите во глобалната трговија, соопшти Светска банка.
Оваа година се предвидува раст на светската економија за 2,7 отсто, а во следната 2,9 отсто, што е пораст во однос на 2,4 отсто од 2016 година, се наведува во соопштението.
Светската банка прогнозира дека американската економија во оваа година ќе забележи раст од 2,1 отсто што е зголемување во однос на минатогодишните 1,6 отсто.
Како што се наведува, државите од еврозоната може да очекуваат благ раст од 1,7 додека јапонската економија ќе порасне за 1,5 отсто.
Забавувањето на растот на кинеската економија ќе продолжи, од 6,7 отсто во минатата година на 6,5 отсто во 2017 и 6,3 отсто во 2018 година.
Светската банка предупредува на ризик од протекционизам, геополитички судири и можни финансиски потешкотии во случај на зголемување на каматните стапки во САД.