23 Мај, 2024
0.0277

КОЈА Е КРАТОВСКАТА ФИРМА ШТО ЗНАЕ КАКО ДА ПРОФИТИРА И СО НАМАЛЕН ПРИХОД - чиста добивка од 400 илјади евра за три месеци, ова е рецептот

Објавено во: Економија 15 Мај, 2024

Добивај вести на Viber

Кратовски „Силекс“ го објави неревидирсаниот Биланс на успех за првиот квартал од годинава, а тој говори дека речиси сите ставки се намалени, но затоа добивката е во фантастичен пораст.

Или, за три месеци кратовскиот комбинат успеал да прокнижи нето профит од близу 400 илјади евра, или прецизно 380 илјади, што во однос на истиот период од минатата година е речиси тројно зголемување, односно за цели 192 проценти.

Како тоа му успеа на комбинатот чија основна дејност е рударството и вадењето на камен, од Билансот на успех може да се извлече заклучок дека иако и приходите се намалиле, поголемо снижување доживеале расходите, па така приливите се значајно повисоки од трошерњата, што создало добивка за три месеци која може да се смета и за повеќе од одлична.

Околу 4 милиони евра се оперативните приходи кои ги објавува „Силекс“ за првите три месеци од годинава, што значи дека таа сума е остварена од основната дејност на компанијата. Сепак, во однос на истиот период од минатата година овој кратовски комбинат покажува намалување на оперативните приходи за 10 проценти.

Основниот приход, односно приходите од продажбата се всушност целата приходна ставка и тие тежат 3,89 милиони евра, што е исто така намалување во однос на истиот период лани, и тоа за 8 проценти.

Од Билансот на успех се гледа дека „Силекс“ многу помалку приходи остварува од продажба на домашниот пазар, отколку во странство.

Па така, приливи од продажба на домашниот пазар се остварени на сума од 1,34 милиони евра, што е намалување од 7 проценти, додека, пак, од извозот на силексовите производи во странство дошле двојно повеќе пари, односно 2,64 милиони евра, иако и кај нив има намалување за 8 проценти во однос на истиот период од минатата година.

Оперативни расходи во првиот квартал од годинава кратовскиот комбинат направил на износ од 3,6 милиони евра, помалку од приходите, а што е уште поважно, има и значајно намалување во однос на расходите од истиот период лани, и тоа за дури 17 отсто.

Најголемиот трошок на комбинатот вообичаено бил оној за суровини и други материјали, за што се исплатени 2,45 милиони евра, а што во однос на истиот период лани е намалување за 20 проценти.

Она што е за пофалба, е дека е зголемен трошокот за плати на вработените, за кои се дадени 865 илјади евра, што е раст за 23 проценти во однос на првиот квартал од претходната година.  

Финансиските приходи и онака биле многу ниски но и значајно намалени во првите три месеци од годинава, додека, пак, финансиските расходи стигнале до 19 и пол илјади евра, што воопшто не е голема сума сама по себе, но има огромно зголемување од дури 420 проценти.

Сепак, сето ова прави „Силекс“ првиот квартал да го заврши со чист профит од 380 илјади евра, што е раст за 192 проценти во однос на истиот период од минатата година.

Н.Н.Ф.

Можеби ќе ве интересира

ПЛАТИ ВО МАКЕДОНИЈА: Кои три професии носат најмногу пари?

ПЛАТИ ВО МАКЕДОНИЈА: Кои три професии носат најмногу пари?

СРБИТЕ ЗА ОВАА РАБОТА ДОБИВААТ 1.100 ЕВРА: Романците заработуваат 4.000 евра

СРБИТЕ ЗА ОВАА РАБОТА ДОБИВААТ 1.100 ЕВРА: Романците заработуваат 4.000 евра

ФАКТОР ИСТРАЖУВА: „Мега“, „Рапид Билд“, „Термалифт“ - Кумановски бизниси со најголеми добивки за 2023

ФАКТОР ИСТРАЖУВА: „Мега“, „Рапид Билд“, „Термалифт“ - Кумановски бизниси со најголеми добивки за 2023

ОВОЈ СЕКТОР ВО ГЕРМАНИЈА ПОВТОРНО „ПУКА“ - прометот пак се намали, дали следи нов бран на стечаи?

ОВОЈ СЕКТОР ВО ГЕРМАНИЈА ПОВТОРНО „ПУКА“ - прометот пак се намали, дали следи нов бран на стечаи?

ФАКТОР АНАЛИЗА: Кој прави милиони од продажба на ајфони и андроиди во Македонија?

ФАКТОР АНАЛИЗА: Кој прави милиони од продажба на ајфони и андроиди во Македонија?

ИЗБОР НА ПРОФЕСИЈА: Што кога младите имаат талент за две или повеќе области?

ИЗБОР НА ПРОФЕСИЈА: Што кога младите имаат талент за две или повеќе области?

ДОНЕ ТАНЕВСКИ Е КУПУВАЧОТ НА АКЦИИТЕ ОД „МАКЕДОНИЈАТУРИСТ“- Сега располага со 21.5 отсто од хотелиерската компанија

ДОНЕ ТАНЕВСКИ Е КУПУВАЧОТ НА АКЦИИТЕ ОД „МАКЕДОНИЈАТУРИСТ“- Сега располага со 21.5 отсто од хотелиерската компанија

ВАЖНА ВЕСТ ЗА АКЦИОНЕРИТЕ НА „МАКЕДОНИЈАТУРИСТ“ - еве кога компанијата ќе почне да дели дивиденда, кој на колку да се надева

ВАЖНА ВЕСТ ЗА АКЦИОНЕРИТЕ НА „МАКЕДОНИЈАТУРИСТ“ - еве кога компанијата ќе почне да дели дивиденда, кој на колку да се надева

Д-р Адижес со моќни пораки до македонските компании

Д-р Адижес со моќни пораки до македонските компании