SWOT: Угостителите полека ја учат лекцијата, еве ги најдобрите ресторани во Скопје!

Добивај вести на Viber

Рестораните „Гурмет“, „Национал“ и „Аванти“, како и гостилниците „Капка“, „Галерија“ и „Кај чичо 2“ се најдобрите угостителски објекти во Скопје за 2012 година, објави SWOT агенцијата за тајно купување. Заклучоците се темелат на истражувањето спроведено врз вкупно 100 објекти, во период од 15 октомври до 15 ноември 2012. „Според статистиката, бројот на туристите што го посетуваат Скопје драстично се зголемува. Притоа, освен што треба да ги видат знаменитостите, особено е битно и добро да ги пречекаме, преку љубезноста и гостоприливоста да им понудиме традиционална македонска храна со која можеме да се пофалиме и нескромно да кажеме дека имаме една од најдобрите кујни во светот“, истакна  градоначалникот Коце Трајановски на свеченоста за врачувањето на признанијата.

Тајните купувачи ги посетувале угостителските објекти по три пати, а оценувале според шест клучни критериуми, прв контакт (поздравување и упатување кон местото за седење), изглед на просторијата (хигиената на просторот, масата и приборот за јадење), услуга на келнерите (љубезноста, брзината), квалитет на храната (количина и соодветност на порција) и завршен контакт (поздравување при заминување).

ваквото истражување се прави петта година по ред, а заклучокот е дека и рестораните и гостилниците во Скопје го подигнале квалитетот на услугата од аспект на сите анализирани елементи. Вкупно 22 од испитаните 50 гостилници и 19 од 50-те ресторани оствариле над 90 отсто резултат.