СЗО: Да не се користи Ремдесивир дури и кај пациентите со најтешка клиничка слика
Објавено во: Македонија, Свет 20 Ноември, 2020
Светската
здравствена организација по спроведено истражување кое укажува, како што велат,
дека за антивирусниот лек Ремдесивир нема доволно докази за неговата делотворност
во лекувањето на пациенти болни од Ковид-19, од денсека советува тој да не се користи
во терапијата на хоспитализираните пациенти без разлика дали имаат тешка форма
на болеста.
Во однос на делотворноста на Ремдесивир, Фактор неодамна поразговара со претседателката на Фармацевтската комора на Македонија, проф. д-р. Бистра Ангеловска, која посочи дека станува збор за исклучително моќен антивиротик, кој понекогаш знае да направи многу поголема штета.
Лекарите специјалисти секогаш пред да вклучат терапија со Ремдесивир прават целосна проценка колкава ќе биде користа од лекот, наспроти штетата што може да ја напрви. Лекот може да даде крајно несакани, па дури и фатални последици ако не се даде во вистинското време и во согласност со целосната состојбата на пациентите. Практично прави штета на целиот организам, рече проф. д-р. Ангеловска.
Инаку, денешната препорака на СЗО доаѓа точно еден месец откако лекот беше одобрен од американската Управата за храна и лекови за лекување (ФДА), по што Ремдесивирот стана прв третман против Ковид-19одобри ФДА, но за него не даде и препорака Светската здравствена организација.
Овој антивирусен лек имаше одредена корист во некои случаи, но тоа не беше доволно, па верувам дека Ремдесивирот наскоро ќе биде заменет со друг лек против корона вирусот, велат од од Центарот „Џон Хопкинс“.
А.Б.