Северна Кореја и нејзиниот таен бизнис со наркотици

Добивај вести на Viber

Државата на Ким Јонг Ун со години ги снабдува со метамфетамин евероисточните кинески провинции. И покрај рациите, затворањата и санкциите, метамфетаминот на Северна Кореја и понатаму ја преплавува североисточна Кина,пишува „Daily Beast”.

Зависниците доаѓаат од сите можни кругови: од работници кои земаат кристален мет за да останат будни за време на долгите ноќни смени, до девојки кои изведуваат онлајн стриптиз и караоке домаќинки кои го земаат со своите клиенти.

Со производството на овој наркотик некогаш управувала Северна Кореја за да привлече странски пари, а работата била управувана од страна на Биро 39, таен дел од режимот на Ким Јонг Ун кој прави сè што треба: од фалсификување на долари до управување со синџири на ресторани.

Покрај наркотиците и фалсификувањето на банкноти, трговијата со лекови и цигари и помага на Северна Кореја во полнењето на државната каса. Се претпоставува дека активностите на Биро 39 секоја година на Пјонгјанг му додаваат околу милијарда долари.

Од друга страна, на граѓаните во Северна Кореја кристалниот мет им е недостижен луксуз. Затоа, државата пред сè се потпира на Кина, со која е длабоко поврзана.

Кина признава дека метамфетаминот претставува најголем проблем во североисточниот дел од земјата, но не открива од каде потекнува дрогата и таму било какви информации за Северна Кореја се сметаат за чувствителни.