Таксисти подготвуваат „солени“ тарифници
Објавено во: Економија 15 Септември, 2018
Штипските таксисти бараат зголемување на цената на такси услугите за цели 60 проценти. Оваа одлука е донесена на последниот состанок на Здружението на авто-такси превозници.
Претседателот на здружението на авто-такси превозници, Глигор Арсов вели дека имаат предлог за три тарифи.
– Предложено е 80 денари стартот до два километри, а 25 денари е секој нареден километар, оваа е дневната градска тарифа. Додека ноќната треба да биде 100 денари, бидејќи работиме со помал капацитет. Значи со околу 30 проценти од возилата, вели Арсов.
Штипските такси превозници се уште ја немаат формирано меѓуградската тарифа, а во која, како што вели Арсов, треба да се вклучат и трошоците за патарини и платениот паркинг низ Скопје или на аеродромот во Скопје.
– Ова е резултат на неколкугодишно покачување на цените на основните средства за работа, како што се нафтените деривати, плата, придонеси, резервни делови и се друго, рече Арсов.
Во моментов стартната цена на такси услугите во Штип е 50 денари. Овој предлог ќе го достават до Одделението за комунални дејности во Општина Штип, но и до Советот на Општина Штип, кои треба да се произнесат за нивниот предлог
Можеби ќе ве интересира
СОЛИДНА ДНЕВНИЦА, СМЕСТУВАЊЕ И ХРАНА: Србија бара берачи на малини
ПРЕСКАПО: Дневен паркинг во Дубровник чини и до 200 евра
УТРЕ ПОЧНУВА САМИТОТ НА МАКЕДОНИЈА 2025 - ВО ФОКУСОТ ПРОСПЕРИТЕТОТ И ДЕМОКРАТИЈАТА ВО ЕРА НА ДИГИТАЛИЗАЦИЈА И БРЗИ ПРОМЕНИ
ФАКТОР АНАЛИЗА: Кои се „господарите“ на рентата во Македонија за 2023?
ФАКТОР АНАЛИЗА: Кој направи преку 30 милиони евра добивка од изградба на станови лани?
КИНА ЈА ЗАБРЗУВА ДИГИТАЛНАТА ТРАНСФОРМАЦИЈА НА ПРОИЗВОДСТВЕНИОТ СЕКТОР - придобивки за компаниите и намалени трошоци
„ЦРВЕНОТО ЗЛАТО“ РЕЧИСИ КАКО ЖОЛТОТО: Цената на малините руши рекорди, ниту кајсиите не се многу подобри
ВАКА ММФ ГО ГЛЕДА СВЕТОТ ДО 2026 ГОДИНА: Каде оди глобалната инфлација?
