Таравари не е задоволен од Законот, малку јазични права во споредба со Косово
Објавено во: Македонија 16 Март, 2018
Гостиварскиот градоначалник Арбен Таравари е првиот албански политичар кој отворено изрази незадоволство од новиот Закон за употреба на јазиците бидејќи истиот нуди помалку јазични права во однос на пример кои ги има српската заедница во Косово.
„Четири отсто Срби имаат многу повеќе да можат да го користат српскиот јазик во Косово отколку што имаат Албанците во Македонија. Не знам зошто се поставуваат прашања зошто ќе се користел албанскиот јазик. Па има повеќе држави во европската заедница каде се користат два, три, четири и повеќе јазици. И не знам што е хендикепирачки за македонското насление што ќе има поширока употреба на албанскиот јазик“, изјави Таравари за ТВ21.
Тој тврди дека можело да се „изнуди“ и повеќе.
„Бујар Османи кажа дека ВМРО-ДПМНЕ била подготвена да прифати многу подобар закон за унапредување на користењето на албанскиот јазик отколку овој актуелниот. Овој зкаон воопшто не е идеален за Албанците, но е оптимум“ рече Таравари.
Алијансата за Албанците од која е дел Арбен Таравари, сепак гласаше потврдно за Законот за јазиците. Исто така и од БЕСА сметаат дека законот не е идеален, но сеедно дадоа поддршка.