Тевдовски во Битола: Влезот во НАТО значи безбедност за капиталот на инвеститорите

Добивај вести на Viber

Министерот за финансии, Драган Тевдовски, се сретна со градоначалничката на Битола, Наташа Петровска. 

Приоритет на Владата и локалната власт е економскиот напредок. Создавање на Европски општини, со најдобри услови за граѓаните. Клучни во оваа насока се растот на платите  и изградбата на клучни инфраструктурни проекти во Битола.

„Веќе гледаме раст на платите. Новите работни места кои ќе се отворат со влез на Македонија во НАТО и ЕУ ќе прават притисок платите забрзано да растат. Со тоа ќе се подобри стандардот. Мораме да одиме напред за младите да останат овде. Тоа е најважно."- рече министерот. 

Министерот истакна дека до крајот на годината ќе заврши изградбата на пругата Битола Кременица. 

Обезбедни се и 70 милиони евра за изградба на локални патишта.

Воедно беше дискутирано и за проблемите со долговите на општините. 

„Имаме софтвер за евиденција на обврските преку кои треба да се стави ред во општините. Општините беа оставени со огромни долгови. Тоа мора да го решиме за да бидат ликвидни"- истакна Тевдовски.

Министерот за финансии, Драган Тевдовски, во Битола оствари средба со стопанственици. 

„Од октомври можете да аплицирате со проекти во банките за 100 милиони евра од евтината кредитна линија обезбедена преку ЕИБ"- порача Тевдовски.

Тој воедно ги повика стопанствениците да инвестираат. Владата, како што рече, е тука да биде нивен партнер и да ги поддржи.