ТОП 10: Ова се најдобри држави за работа за странци

Добивај вести на Viber

Многу луѓе се во потрага по подобра работа, кариера и повисоки приходи во странство.

Банката HSBC претстави свое истражување на најдобрите земји за работа на странски експерти.

Студијата е мислење на 27 000 луѓе од 190 земји, кои работат во странски држави. Меѓу испитаните критериуми се пристапноста до работа, можноста за издржување на семејството, приходи, начин на живот, напредок во кариерата, баланс работа-приватност, бонуси.

Видете кои земји спаѓаат во Топ 10:

10. Бахреин

Просечната годишна плата за странски специјалисти тука е 98 622 долари. 65% од работниците во земјата кои се странци добиваат како бонус годишна можност да се вратат во својата татковина. 91% од вработените во Блискиот Исток велат дека договорите им вклучуваат различни бонуси, во просек 67% за целиот свет.

9. Британија

83 227 долари е просечната годишна плата за странски специјалисти тука. Земјата за прв пат спаѓа во Топ 10 на листата. Вработените странци тука признаваат дека добиваат повеќе нови вештини во споредба со нивната родна земја (64%) и напредок во кариерата (62%).

8. Хонгконг

Тука просечната плата за странци е 169 756 долари годишно. Половина кои работат сепак признаваат дека иако нивната кариера и можности значително се подобри, тогаш балансот работа слободно време е влошено.

7. Австрија

Во Австрија просечниот годишен приход за странски специјалисти е 85 288 долари годишно. И таа како Велика Британија за прв пат паѓа во Топ 10.

6. Сингапур

Тука вработените странци добиваат 138 641 долари годишно. 30% од работниците странци тука сепак наведуваат дека нивниот животен стандард се влошил.

5. Норвешка

Просечниот приход на странски работник тука е 97 486 долари годишно. Земјата паѓа за првпат во Топ 10, а најголем број луѓе, споредено со сите други земји - 87 отсто, велат дека балансот работа - слободно време значително се подобрил.

4. Обединети Арапски Емирати

Приходот на вработените странци во Емиратите е 112 820 долари годишно. 56% добиваат како бонус сместување, а 75% - здравствени бонуси.

3. Шведска

Тука просечната плата за година на специјалист од странска земја е 84 802 долари. Вработените тука посочуваат дека имаат одлични можности за работа.

2. Германија

Просечниот приход на странец во Германија е 97 693 долари годишно. Според 70% од работниците странци велат дека тука безбедноста на нивната работа е поголема отколку во родните земји.

1. Швајцарија

Странец кој работи во оваа земја добива 188 275 долари. Сумата е речиси најголема на ранг листата, а за првото место придонесуваат и најдобриот баланс меѓу работата и слободното време. Покрај тоа приходот тука е речиси двојно поголем од просекот на странски специјалисти во светот, кој е 97 419 долари годишно.