ТРАМП ПОДГОТВУВА „ВОЈНА“ ПРОТИВ ВРХОВНИОТ СУД! Поради нападот на Капитол не може да учествува на избори

Добивај вести на Viber

Врховниот суд на американската сојузна држава Колорадо го прогласи поранешниот американски претседател Доналд Трамп „неподобен“ за Белата куќа.

Врховниот суд на државата Колорадо во Соединетите Американски Држави испиша историја со одлуката да му забрани на поранешниот претседател на САД Доналд Трамп да се кандидира за следните претседателски избори во 2024 година, пишува „Си-Ен-Ен“. Трамп беше прогласен за „неподобен“ врз основа на стара и ретко користена одредба од Уставот на САД со која се забранува учество на бунтовниците во владата.

Доналд Трамп најави жалба и тоа сега води до жестока конфронтација меѓу адвокатите во Врховниот суд на Соединетите Американски Држави. Од нив ќе зависи дали Трамп како фаворит на Републиканската партија за претстојните претседателски избори ќе може да остане во таа трка.

Врховниот суд во Колорадо е составен од судии назначени од демократски гувернери и оваа одлука е прва во историјата на примената на Дел 3.14. на амандманот на Уставот на Соединетите Американски Држави за дисквалификација на претседателски кандидат. Врховниот суд на државата Колорадо ја отфрли пресудата на окружниот суд во која се вели дека на Трамп не може да му се забрани да се кандидира иако тој поттикнал немири во нападот на Капитол на 6 јануари 2021 година.

Судија ја образложил својата одлука со тоа што „не е јасно дали таа одредба од Уставот на Соединетите Американски Држави важи и за претседателот на државата“. Адвокатите на Доналд Трамп најавија жалба до Врховниот суд на Соединетите Американски Држави, кој ќе донесе одлука бидејќи тој го има последниот збор за уставните прашања.

„Не дојдовме лесно до одлуката. Свесни сме за големината и тежината на прашањата пред нас. Свесни сме и за нашата свечена должност да го применуваме законот без страв и наклоност и без оглед на неговиот ефект врз реакцијата на јавноста на одлуките што законот бара да ги донесеме“, објаснија судиите на Врховниот суд на државата Колорадо.

Што е дел 3.14 од Уставот на САД?

Десетици тужби се поднесени во САД за дисквалификување на Доналд Трамп според Дел 3 од Уставот на САД за да се спречи враќањето на поранешните функционери на Конфедерацијата на власт по Американската граѓанска војна (1861-1865). Според тој дел, секој што се заколнал дека ќе го поддржи Уставот, а потоа „учествувал во бунт против него“ е забранет од функцијата.

Се користеше само неколку пати веднаш по Граѓанската војна. Случајот во Колорадо е првиот во кој успеаја обвинителите.