ТРАМП ПОВТОРНО БРАНУВА - објави бизарно видео за тоа како ја замислува иднината на Газа, плажа, пари паѓаат од небо, мора да го видите

Добивај вести на Viber

Американскиот претседател Доналд Трамп на својата социјална мрежа Трут Соушл објави видео генерирано од вештачка интелигенција, без дополнителен коментар.

Видеото ја прикажува сегашната разрушена од војна Газа како се трансформира во модерен крајбрежен град, преполн со хотели, облакодери и луѓе.

Оваа визија ја следи неодамнешната идеја на Трамп за преселување на Палестинците во соседните арапски земји, со цел да се изврши масовна реконструкција на уништената Газа.

Целото видео е проткаено со мотиви на луксуз, забава и пари. По почетните сцени на разорената Газа, се појавува натписот: „Газа 2025 – што е следно?

“TRUMP GAZA NUMBER ONE”

This is real pic.twitter.com/tP5IsjfkRF

— Matthew Foldi (@MatthewFoldi) February 26, 2025

Потоа, ВИ генериран Илон Маск фрла американски долари меѓу луѓе. Во центарот на вештачки создадениот град, стои џиновска златна статуа на Доналд Трамп, додека самиот Трамп танцува со стомачна танчерка, а Илон Маск ужива во јадење.

Во еден момент, сцената ги прикажува Трамп и израелскиот премиер Бенјамин Нетанјаху во шорцеви за капење и пиво во рака, како лежат на лежалки пред луксузен хотел. Друга необична сцена прикажува мажи со бради облечени во женски костими за капење, со препознатливи зелени шамии.

Видеото доаѓа во време на интензивна дебата за американското учество во мировните напори и можностите за обнова на Блискиот Исток.

Белата куќа не го коментираше ова видео и не прецизираше како се вклопува во актуелните стратегии за надворешна политика. Претставници на Стејт департментот од кои бил побаран коментар, рекле дека какви било политички одлуки ќе бидат соопштени преку официјални канали.

Фото: Принтскрин/Х