Трендот продолжува: Се делат нови откази во германските медиуми

Добивај вести на Viber

Медиумската групација ВАЦ (Westdeutsche Allgemeine Zeitung) во вторник во Есен, најави затварање на сите локални редакции на регионалните дневни весници "Westfaelische Rundschau" (WR) и отпуштање на  120 новинари и уредници. Новинарските содржини за „WR“ во иднина ќе ги прави главната редакција на ВАЦ. Со ова се продолжува трендот на масовни отпуштања во германските медиуми кој започна пред неколку недели со затворање на весникот „Фајненшел тајмс Дојчланд" и со кризата во „Frankfurter Rundschau". „WR веќе со години произведува милионски загуби", изјави директорот на ВАЦ, Манфред Браун. Веста за отпуштањата на 120 вработени, на  вонредната седница ја пренесе управата на ВАЦ.„WR“ со седиште во Хаген, се објавуваше од 1946 година, а во последно време дневниот тираж изнесуваше 15.000 копии. Според информациите од Западногерманската радиотелевизија (WDR), содржина на WR во иднина ќе се прави во главната редакција на ВАЦ, од која уште на локално ниво излегуваат весниците „Вестфалиен пост" и „Neue Ruhr/Rhein Zeitung". Отсега сите дневни весници треба да ги споделуваат своите содржини меѓусебно. ВАЦ е третиот по големина издавач во Германија и една од најголемите издавачи на локалнивесници во Европа. Медиумската куќа од Есен беше активна во осум европски земји со повеќе од 500 публикации.