Три турски компании ќе инвестираат во Македонија

Добивај вести на Viber

Три турски компании на средба со директор на Агенцијата за странски инвестиции и промоција на извозот на Република Македонија Висар Фида, во Анкара, Турција официјално ги најавија инвестициите во Македонија. Како што изјави директорот на Агенцијата станува збор за компании кои ќе инвестираат во областа на медицината. -Станува збор за компанијата Матек, која ќе инвестира околу 15 милиони евра во Македонија и ќе вработи околу 200 лица, компанијата Истем медикал која планира да инвестира околу 20 милиони евра и да вработи околу 250 лица и компанијата Тотал која исто така планира да инвестира околу 15 милиони евра и да вработи околу 250 луѓе. Сите три компании се од медицинската техника и  ќе инвестираат во зоната Бунарџик во Скопје”, изјави директорот на Агенцијата Висар Фида. Како што велат од команиите, благодарејќи на можноста да се запознаат со инвестициските услови во земјата донеле одлука за инвестирање во Македонија. -Ние како Истем медикал имавме можност да се запознаеме со можностите кои ги нуди Владата на Македонија за инвестирање во земјата и видовме дека можностите за инвестирање се навистина подобри од Турција и затоа решивме да инвестираме во Македонија”, изјави претставник на компанијата Истем медикал. Компаниите Тотал и Матек исто така ќе инвестираат во Македонија благодарејќи на добро понудените услови за инвестирање. -Веруваме дека за кратко време ќе ја реализираме инвестицијата во Македонија и ќе постигнеме голем успех”, изјави директорот на компанијата Тотал. Компаниите заедно се очекува да инвестираат околу 50 милиони евра во земјата.Ќе се отворат над 600 нови работни места од кои 350 ќе се реализираат во првата година од работењето на трите компании.