Трпеноски: Заев не е свртен во државата, да не заборави на домашните проблеми
Објавено во: Анализа 10 Декември, 2017 14:56
Новата влада предводена од Зоран Заев е веќе една година на власт, но, ефективно шест месеци. Очекувањата на јавноста се големи и бараат брзо резултати. За шест месеци новата влада има направено доста работи. Се укина радиодифузната такса, се воведе евтина тарифа, се укина екстерното, тргнати се неколку учебници кои не беа соодветно напишани, се изготвија реформи на дел од правосудството, администрацијата, безбедносните служби но, поради блокадите во Парламентот и локалните избори се касни со нивното донесување. Но, засега не се гледа дека почетната работа на новата влада го подобри стандардот на граѓанинот.
Премиерот Заев не е свртен во државата. Најголем напредок има на меѓународен план, се затоплија односите со соседите, падна Договор со Бугарија, има сигнали за решение за името, за Македонската Православна Црква. Се надевам дека Заев во барањето пријатели во странство, нема да ја заборави и внатрешните проблеми. Сите пори на општеството се урнисани. Новата влада почна со работа од минус десет, треба време за да се донесат работите во нормала. Тоа време новата влада го нема. Се враќа полека правдата, јавноста е будна, критикува.
Треба да му се даде време на Зоран Заев, неговиот принцип на работа е добар, има добра стратегија. Се наближува 1 година од изборите на 11 декември 2016 година. Уште малку време можат да се заминаваат со тоа што го правеше ВМРО-ДПМНЕ. Но имам сомнеж дали дел од владините функционери сфатија дека не може да се однесуваат исто, да користат методи и го копираат ПиАр-от од владеењето на ВМРО-ДПМНЕ .
Треба нешто и да сработат, големи се очекувањата. ВМРО-ДПМНЕ е во ногдаун, па имаат подолго врем за да направат нешто за да се врати насмевката кај граѓаните, но и да ја прокоцкаат тешко стекнатата власт за грст дукати в џеб, после 11 години опозиција. Заев и дел од пратениците го преживеаја обидот за ликвидација на 27 април во Собранието. Им беа скршени главите, се надевам дека се свесни за одговорноста што ја имаат, поради огромната поддршка и од Македонците, но и од другите етнички заедници.
Коментар на новинарот Горан Трпеноски за досегашното работење на премиерот Заев и шест месеци од новата Влада на РМ.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
КАМЕРИТЕ СЕ БОЈАТ, КРШАТ, КРАДАТ И ФРЛААТ ВО РЕКИ: Еве како поминале камерите на Сејф сити во земјите низ Европа и на Балканот
СДСМ се „пере“ од Груевски – Се враќа ли опозицијата на „антирежимските“ корени
