Цевитана во потрага по суперхерои од секојдневието
Објавено во: Мои пари 18 Ноември, 2015
Преку промовирање на обичните суперхерои од секојдневието, Цевитaна си постави за цел да ја подигне свеста кај луѓето и да покаже дека сите ние можеме да бидеме подобри и да го направиме светот поубаво место за живеење.Секој кој бил сведок и познава некој кој направил добро дело, може да го кандидира како свој суперхерој и да се вклучи во оваа несекојдневна и пред сé хумана потрага.
Потрагата и претставувањето на суперхероите од соседството ќе се одвива онлајн. Сé што треба да направат корисниците е да остават коментар на Facebook страната https://www.facebook.com/Cevitana.mk, да објаснат кој и зошто е нивен суперхерој, да твитнат со #СуперХерој на Твитер или да постават слика или видео на Инстаграм, исто така со #СуперХерој.
Првите обични суперхерои од секојдневието се тројца млади волонтери во Црвениот Крст на Град Скопје кои со своите беспоштедни заложби и искрена хуманост помагаат таму каде што е потребно. Младите средношколки Ивона Георгиева и Сања Матовска помогнаа да се соберат средства и да се реновира куќата на едно семејство во с.Огњанци. Додека, пак, суперхеројските моќи на студентот Никола Блажевски се одвиваат секојдневно со преземање на одговорноста секој ден да го носи и зема малиот Адмир во градинка, дете на двајца родители со оштетен вид.
„Тоа што го направивме нè поттикнува и понатаму да продолжиме да им помагаме на нашите сограѓани, но и да го раскажеме бесценетото чувство што се буди кај нас кога ќе видиме дека сме придонеле за нечија среќа и поттикнале нечија насмевка. Тоа навистина нè прави да се чувствуваме посебно, како суперхерои“, велат првите Цевитана суперхерои.
Цевитана ќе ги поддржи обичните суперхерои во нивните мисии со подарување на дел од своите производи. Целта е да се мотивира секој од нас да биде нечиј суперхерој со мало добро дело што може да го направи за луѓето во секојдневието. Во наредните недели на социјалните медиуми ќе бидат објавувани приказни за дел од суперхероите во Македонија, а сите постови ќе можат да се проследат на Facebook страната на Цевитана.
Можеби ќе ве интересира
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
Реномирани музичари, книжевници и актери се дел од програмата на „Видик“ – нов фестивал за литература и општа култура
Н.Д. ОД ТЕТОВО ГО ОСВОИ НАЈПОСАКУВАНИОТ СУПЕР МИЛИОНЕР ВРЕДЕН СКОРО 21 МИЛИОН ДЕНАРИ
Бимилк го прослави светскиот ден на семејството: НТЦ семинар за вработените и стручните лица од образовните институции со д-р Ранко Рајовиќ
„Макпетрол“: Со позитивна енергија во Градски Парк да застанеме на патот на врсничкото насилство
„Алкалоид“ со две признанија за придонес во безбедноста и здравјето на своите вработени
14 македонски студентки по технички науки на првиот глобален состанок на иницијативата Global Engineer Girls на Групацијата Лимак
