Туристичка агенција од ДИК заработи 450.000 евра за гласање на само 1.782 иселеници
Објавено во: Финансии 02 Март, 2020
Вкупно 457.000 евра заработила туристичката агенција која ги пренесувала авионски организаторите на ланските претседателски избори во дијаспората, на кои за гласање се пријавија само 1.782 гласачи. Дополнително, од нив, во вториот круг за Стево Пендаровски и Гордана Силјановска Давкова гласале само 814 иселеници.
„Отворени финансии“ покажува дека Авиотурс Травел Сервис за првиот круг од гласањето добила 243.902 евра, додека за вториот круг 213.338 евра. Парите од страна на Државната изборна комисија им биле исплатени лани во текот на јуни, односно по завршувањето на претседателските избори.
ДИК претходно најави дека за остварување на правото на глас на иселениците, од земјава ќе бидат ангажирани 256 лица за кои треба да се обезбеди превоз, сместување, како и надомест на трошоци.
- Тоа се сумите за двата круга еден по друг какви што има само за претседателските избори. Тие услуги практично не се за членовите на комисијата, туку за номинирани партиски членови од одборите и избраници од дипломатијата кои патуваат за да ги подготват изборите во странство, ни одговорија од ДИК.
На претстојните претседателски избори своето право на глас првпат го оствари и дијаспората. Критериумите за гласање ги исполнија Абу Даби, Белград, Берлин, Берн, Бон, Брисел, Будимпешта, Букурешт, Вашингтон, Венеција, Виена, Детроит, Загреб, Истанбул, Камбера, Копенхаген, Лондон, Љубљана, Мелбурн, Минхен, Њујорк, Осло, Отава, Париз, Прага, Приштина, Рим, Сараево, Стокхолм, Торонто, Хаг и Чикаго.
Самиот ДИК за последниот изборен циклус призна дека предвидено е да издвои 30 милиони денари или околу пола милион евра за само 1.782 гласачи, односно, секој глас на иселениците да чини најмалку 300 евра. Поради ваквата математика, првиот човек на ДИК, Оливер Дерковски, уште тогаш напомена дека е потребна промена на изборниот законик.
Авиотурс Травел Сервис бил исплатен и во 2018 за референдумот за истите услуги. За еден круг на гласање била исплатена со 113.612 евра. Ова се убедливо највисоки суми што ги добива овој оператор за кој било друг државен барател на услуги. Години наназад другите приходи од јавни набавки се значително помали.
Александар Кузмановски
Можеби ќе ве интересира
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
ДЕНАРОТ ГО „ПРЕТРКА“ ЕВРОТО, ИСТОРИСКИ МИГ ЗА ГРАЃАНСКИТЕ ЗАШТЕДИ - колку пари чуваат македонските граѓани во банка
Николоски на средби во СБ – Продолжуваме со спроведување на реформите дефинирани со нашите партнери, 695 милиони долари поддршка од СБ
БЕРЗИТЕ СО ГОЛЕМИ ЗАГУБИ - индексот S&P 500 падна петти ден по ред
МАКЕДОНЦИТЕ ВО ГЕРМАНИЈА НА ГОЛЕМИ МАКИ – најевтина кирија е 1.000 евра, во големите градови уште поскапо
„Доколку не се остварат ризиците, олабавување на монетарната политика во втората половина од годинава“: гувернерката Ангеловска-Бежоска за ВОА
