ТУРИСТИТЕ ЈА ГЛЕДАА СМРТТА ВО ОЧИ! Драматичното видео од снежната лавина ја замрзнува крвта во вените (ВИДЕО)

Добивај вести на Viber

На планината Таншан во Киргистан десет туристи преживеале вистинска драма, откако врз нив паднала снежна лавина.

Видео кое кружи на социјалните мрежи, објавено од Хари Шимин, едно од лицата кои учествувале во несреќата на турнејата, покажува огромни наноси од снег како се спуштаат по падината и потоа поминуваат над човек кој барал засолниште меѓу карпите.

Шиман немаше поим што може да се случи откако се отцепи од групата за водени екскурзии за да направи неколку фотографии кога зад себе слушна „звук на пукање мраз“, напиша на својот профил каде го објави застрашувачкото видео, пренесува „Мондо.рс“.

- Стоев таму некое време и знаев дека има место до мене каде што можам да се сокријам. Успеав да го сторам тоа во последната секунда и знам дека беше попаметно веднаш да се засолнам. Знам колку го ризикував животот Мислев дека имам сè под контрола, но и покрај тоа, кога снегот ме покри и ми стана тешко да дишам, помислив дека може да умрам - потврди Хари.

Check out this incredible avalanche footage from the Tian Shan mountains in Kyrgyzstan. Luckily, everyone survived. Account: https://t.co/amo4Bh6z8I pic.twitter.com/WQumCfelgz

— Everest Today (@EverestToday) July 10, 2022

Таншан е голем планински масив во Централна Азија и еден од најголемите планински венци во светот со највисок врв од 7.439 метри. Се протега низ југоисточен Киргистан, а на североисток се граничи со Кина.

Шимин рече дека почувствувал „вртоглавица“ кога сфатил дека е покриен само со „тенок слој снег“ и дека поминал без гребнатинка. Остатокот од групата, вклучително и еден Американец, доби расекотини, а еден падна од коњот.

- После лавината, целата група се смееше и плачеше во исто време. Имавме среќа што бевме живи. Дури подоцна сфативме колку сме среќни. Да бевме на само пет минути од ова место, сите ќе бевме мртви - заклучил Хари во објавата.