Туризам во Охрид: Почна да се наплаќа и на Плаошник

Добивај вести на Viber

Од 1-ви јуни започна да се наплаќа за  влез во црквата Св. Климент и Св. Пантелејмон на Плаошник. Билетот чини 100 денари. На нанајавеното воведување на билетите, реагираа туристичките водичи, јавува локалниот портал Охридњуз. „Никаде не се наплаќа влез во жива црква, освен ако не се работи за заштитен споменик на културата или доколку во неа има вредни музејски експонати“, реагираат тие и посочуват дека наплатата на влез на Плаошник им предизвикува непријатности, затоа што е воведена без најава кога туристичката сезона е веќе почната. Тие додаваат дека доколку се планирало воведување на наплата на Плаошник, тоа требало да се направи по завршување на минатогодишната сезона, за таквата промена да биде навремено вметната во аранжманите за оваа година. Инаку, во Охрид не е новина наплатата во цркви. Со години влез се наплаќа во катедралната црква Св. Софија, Св. Јован Канео, Св. Богородица Перивлепта.