Турски инвеститори заинтересирани за штипската бања „Кежовица“?
Објавено во: Економија 24 Април, 2013 15:17
Турски инвеститори се заинтересирани за вложување во бањскиот комплекс „Кежовица“.
Претставници на турската корпорација „ЦЕО“ денеска со директорот на ЈП „Исар“, Никола Мицевски ја посетија Градската бања „Кежовица“ и го разгледаа просторот околу бањата, а со цел да го видат потенцијалот и капацитетите на штипското јавно претпријатие и на Физикална терапија.
- Турските инвеститори се заинтересирани за изградба на хотели од типот на медицинска спа терапија, им ги предочивме сите предуслови кои ги имаме, рече Мицевски.
Координаторот на хотелските комплекси „ЦЕО“, Тахир Јилдрм рече дека нивната основна дејност е хотелиерството, а токму во Македонија ја гледаат иднината за инвестирање во областа на туризмот.
- Размислуваме дека во иднина ова ќе биде еден од големите гео-термални центри во Европа, а туризмот ќе се развива токму во оваа насока. Овој реон има голем потенцијал пред се за Северна и Источна Европа, рече Јилдрм.
Турските инвеститори истакнаа дека покрај Штип ќе ги разгледат и можностите за вложување и во Охрид, Битола и Скопје.
Можеби ќе ве интересира
Побарувачката за сребро ќе расте - кои земји имаат најголеми резерви?
ЕУ ОДОБРИ ПОМОШ ЗА УКРАИНА: Што се случува со цените на златото и пченицата?
Како вештачката интелигенција навистина влијае на пазарот на трудот?
Најголемото наоѓалиште на злато досега – илјадници тони скриени на 1.900 метри
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
