Добивај вести на Viber
Турција им испратила на руските власти нацрт договор за изградба на "Турски поток", соопшти пред новинарите во Анкара министерот за енергија Танер Јилдиз, цитиран од Ројтерс. Според неговите зборови, во моментов се очекува одговорот на Москва на турскиот предлог.
Руската новинска агенција ТАСС потсетува дека Русија испратила две варијанти за реализацијата на проектот - со една цевка и со полн капацитет од четири цевки. Досега турската страна не откри економска оправданост за реализација на "Турски поток".
Анкара одбиваше да го потпише договорот, предложен од "Гаспром", и тоа ја принуди гасната компанија да ги прекине договорите со некои од изведувачите на проектот. Гасниот гигант размислува и замрзнување на инвестициите за испорака на суровина од гасните полиња во јужна насока, т.е. до терминалите предвидени за "Јужен поток", а потоа влегле во плановите за изградба на "Турски поток".
Подоцна, меѓутоа, стана јасно дека Русија се уште не го добила од Турција проектот на договор за гасоводот "Турски поток". Тоа го соопштил пред ТАСС извор, кој е близок до преговарачкиот процес.
Турското Министерство за енергија забележа пад на испораките на руски гас во износ од 8% во "последните 5-6 месеци", соопшти уште Јилдиз. Слабата турска лира додаде уште 11 милијарди фунти (3,82 милијарди долари) на сметките за природен гас од почетокот на годината, додаде тој.
Во моментов Турција се соочува со нови избори, откако Партијата на правдата и развојот не можеше да најде коалициски партнер, со кого ќе управува. Ова го натера Ахмет Давутоглу да го врати мандатот за составување на нова влада на претседателот Реџеп Таип Ердоган.