ТУСК ПОРАЧА ДЕКА ВРЕМЕТО НА УДОБНОСТ ЗАВРШИ: Европа мора да биде вооружена ако сака да опстане

Добивај вести на Viber

По доаѓањето на Доналд Трамп на претседателската функција во САД, европските земји се во неизвесност за повеќе работи. 

Полскиот премиер Доналд Туск изјави дека „времето на удобност е завршено“ за Европската Унија(ЕУ). Тој повика на значително повисоки распределби за одбрана, дерегулација и обезбедување на границите од илегалната миграција.

„Ако денес претседателот на САД зборува за потребата Европа, американските сојузници да преземат поголема одговорност за сопствената безбедност, да го третираме како позитивен предизвик“, вели Туск. 

Тој кажа дека ЕУ може да застане на страната на најголемите светски сили, потсетувајќи дека има 450 милиони жители и ист удел во светскиот БДП како и САД.

Во своето обраќање пред европратениците, Туск повика на распределба на пет проценти од БДП за одбрана, дерегулација со цел да се зајакне конкурентноста, вклучително и со напуштање на делови од Зелениот план и обезбедување на границите против илегалната миграција.

Премиерот на Полска, земјата која троши најмногу за одбрана меѓу своите членки, околу пет отсто, ги повика и другите земји од ЕУ да го сторат истото. 

„Европа мора да биде вооружена ако сака да опстане“, вели Туск. 

Туск рече дека победата на Доналд Трамп е „скок во непознатото“, но и дека Европа никогаш не се плашела од тоа.

Германскиот канцелар Олаф Шолц денеска изјави дека мандатот на американскиот претседател Доналд Трамп ќе претставува предизвик за Европа.

Францускиот претседател Емануел Макрон предложи мобилизирање на младите луѓе за помош на вооружените сили на земјата. Проектот за „мобилизирање“ на поголем број млади волонтери ќе послужи за зајакнување на воените редови.

Кажа дека државата мора да се прилагоди на безбедносните закани кои тој ги поврза со конфликтот во Украина. Полска е голема поддржувач на Украина која се бори против руската агресија. Руската инвазија на Украина почна на 24 февруари 2022 година.