16 Јуни, 2019
0.0217

Тутунопроизводството важно за Македонија, годишно се обезбедуваат 100 милиони евра девизен прилив

Објавено во: Агробизнис 25 Септември, 2018

Производството на тутун добива се поголема стратешка важност за државната економија и е значителна ставка во полнењето на државниот буџет. На позитивните биланси после откупот на минатогодишната реколта, се надоврзуваат уште и нагорните трендови во вредноста на извезениот тутун. Така, од тутунот годишно се обезбедува 100 милиони евра девизен прилив. Растечката заинтересираност за тутунопроизводството за што говорат и зголемените засадени површини, ја мотивира владата да даде зголемување на субвенциите, а од ланската реколта воведен е моделот на субвенционирање на три нивоа, за прва класа 80, за втора 70 и 60 денари за килограм за трета, четврта и за дополнителните класи.

Последната реколта беше историски највисока, се постигна цена од 217 денари за килограм откупен тутун а земјоделците навреме ги добија и парите од предадениот тутун од ланската реколта. Минатата година, од регистрираните 9 откупни компании, откуп вршеа 8 и беа откупени 23.559.122 килограми тутун. Заради квалитетот на македонските тутун и понатаму е актуелен и баран и во соседните земји. Покрај веќе присутните осум компании кои вршат откуп на тутун, годинава се вклучи уште една, грчка компанија.

Економското и социјалното значење на производството на тутун е поддржано со бројката од 40 илјади семејства за кои е главен извор на егзистенција.

„Република Македонија се наоѓа на 30-то место по количеството на произведен тутун во светот, како и на 15-то место по вредноста на остварениот извоз на тутун во светски рамки. Најголеми увозници на тутун од Македонија се САД и Германија, односно тоа се мултинационални компании кои имаат фабрики во наведените земји“, вели проф. др. Златко Арсов од Катедрата за специјално полјоделство и тутун на Факултетот за земјоделски науки и храна.

И покрај неодамнешните прогнози дека јулското невреме лошо ќе се одрази врз годинешната реколта, сепак, подобрувањето на времето, продолжените топли сончеви денови добро ќе влијаат врз бербата а утринската роса се уште е мека. Покрај тоа, невремето го погоди само прилепскиот род, па приходот може да се намали само таму, но сепак ќе бидат исполнети очекувањата и прогнозите од мината година.

Тутунопроизводството има економско значење и нашава држава е познат производител на висококвалитетен тутун од ориенталски тип. Сето тоа самото по себе говори колку тутунопроизводството е важно за стопанскиот развој на државата и колку тутунот е влезен во калкулациите и проекциите за стопанскиот раст на земјата.

Можеби ќе ве интересира

Претставници од МЗШВ на средба со производителите на праски и откупувачите

Претставници од МЗШВ на средба со производителите на праски и откупувачите

Од производство на калинки може да се живее, но под еден услов

Од производство на калинки може да се живее, но под еден услов

(ВИДЕО) Производителите на праски го фрлаат својот род

(ВИДЕО) Производителите на праски го фрлаат својот род

Цело село живее од производство на јагоди

Цело село живее од производство на јагоди

Македонските вина можат да се промовираат во Хрватска, надминат е проблемот за пласман на пазарот

Македонските вина можат да се промовираат во Хрватска, надминат е проблемот за пласман на пазарот