ТВРДАТ ДЕКА СЕ РАБОТИ ЗА ОДМАЗДА: ДУИ реагираше за разрешувањето на Зибери
Објавено во: Македонија, Корона Вирус 27 Јуни, 2020
Откако вчера министерот за здравство, Венко Филипче го разреши директорот на Центарот за јавно здравје, Арбен Зибери, со реакција се јавија од ДУИ.
Демократската унија за интеграција (ДУИ) наведува дека разрешувањето на директорот на Центарот за јавно здравје Скопје, Арбен Зибери, е одмазда кон првиот кандидат за премиер Албанец.
„Демократската унија за интеграција остро го осудува постапувањето пресметано врз дневнa политичка цел, освета и во функција на парламентарните избори, на министерот за здравство Венко Филипче против директорот на Институтот за јавно здравје во Скопје, Арбен Зибери. Ова политичко постапување на Филипче директно го загрозува здравјето на граѓаните и главната институција во борбата против со Ковид-19 и загрозува илјадници граѓани“, соопштија од партијата.
Сметаат дека кандидатурата на Насер Зибери за прв премиер Албанец им ги замаглила видот и умот на политичките опоненти кои, како што велат, не бираат средства за борба против еден Албанец на чело на институциите и на Владата, и по цена на загрозување на јавното здравје на граѓаните.
Претседателката пак на Антикорупциската комисија Билјана Ивановска рече дека изјавата на сега поранешниот директор на ИЈЗ Скопје, Арбен Зибери е неетичка во изборна кампања.Министерот за здравство Венко Филипче ги отфрли обвинувањата на разрешениот в.д директорот на Центарот за јавно здравје Скопје, Арбен Зибери дека неговото разрешување е политичко поради неговата роднинска врска со кандидатот за премиер на ДУИ.
„Зибери е разрешен заради пласирање на неточни изјави во јавноста со што директно наштети на угледот на членовите на Комисијата за заразни болести, доведувајќи го во прашање кредибилитетот на здравствените институции во борбата со коронавирусот“, информираа од Министерството за здравство.
Инаку, во Македонија бројот на заразени од Ковид -19 се уште е висок.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
