Уапсен директорот на Фондот за здравство на Република Српска за набавка на респиратори во корона кризата
Објавено во: Балкан 23 Октомври, 2024 12:11
Вршителот на должноста директор на Фондот за здравствено осигурување на Република Српска (РС), Дејан Кустуриќ е приведен во денешната операција на Државната агенција за истраги и заштита (СИПА), со кодно име „Луна“, дознава Klix.ba.
Тој е приведен по наредба на Специјалното одделение за сузбивање на корупција, организиран и сериозен економски криминал на Јавното обвинителство на Република РС.
Претходно беа претресени приватни и службени простории на повеќе локации во Бања Лука. Во текот на денот ќе се знае дали ќе се бара притвор за Кустуриќ, а треба да се напомене дека во РС е во тек штрајкот на адвокатите.
Кустуриќ е осомничен за злоупотреба на положбата, односно за склучување милионски договори склучени за време на пандемијата на коронавирус во врска со набавка на медицинска опрема, вклучително и респиратори.
Договори за набавка на респиратори склучи Фондот за здравствено осигурување на РС со фирмата Медиетик д.о.о. Бања Лука. Обвинителството на РС веќе подолго време води истрага за набавка на 165 респиратори. Набавени се за 12,9 милиони КМ, без ДДВ.
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
