УАПСЕНИ СЕ ДВАЈЦА СРБИ НА КОСОВО: Србија обвинува дека Курти врши етничко чистење

Добивај вести на Viber

Косовските власти уапсија двајца Срби. 

Косовската полиција го уапси српскиот политичар Александар Арсенијевиќ од партијата Српска демократија на север, откако, како што тврди полицијата, ги попречувал работниците во општина Северна Митровица и ги одбил полициските наредби, јави дописникот на МИА од Приштина.

Информацијата во изјава за неколку медиуми ја потврди заменик-началникот на полицијата за северниот регион, Ветон Ељшани. За косовскиот портал на српски јазик КоССев, Ељшани одговорил дека уапсениот најверојатно ќе биде одведен на сослушување во јужниот дел на Митровица, без натамошни објаснувања.

Арсенијевиќ е уапсен на плоштадот „Браќа Милиќ“, во близина на мосотот на реката Ибар, откако се обидел да ги спречи општинските работници да ги префарбаат српските знамиња исцртани на ѕидовите на тамошните објекти.

Уапсен е и друг Србин. 

„Притворот на политичките активисти Александар Арсенијевиќ и Стефан Вељковиќ „докажува дека Србите се во право кога се повеќе од загрижени за нивната безбедност и егзистенција на Косово и Метохија, особено во светлина на намерата да се отвори мостот на реката Ибар, кој денес се покажа како брутално приведување и одмазда, токму во близина на мостот“, наведуваат од владината Канцеларија за Косово и Метохија. 

Инаку, Србите вчера протестираа и бараат да не се отвори мостот на Ибар. Косово сака да го отвори, но големите сили засега се против. 

Србија обвинува дека косовскиот премиер Албин Курти врши етничко чистење.