Уапсено уште едно лице за пукањето во Мала Речица?
Објавено во: Македонија 07 Април, 2018
Полицијата го уапси Дритон Ферати, по кој се трагаше во врска со престрлката во Мала Речица, каде едно лице загина, а двајца се повредени. Како што велат од полицијата Ферати е приведен и однесен во истражниот затвор во Шуто Оризари, објави Фокус.
На Ферати му е одредена мерка притвор во траење од 30 дена, како и на 11 други. Против сите се поднесени кривични пријави за сторено кривично дело „убиство“, „убиство во обид“ и „соизвршителство“.