Украина дневно троши по 4,5 милиони евра за воени дејствија

Добивај вести на Viber

Претседателот на Украина, Петро Порошенко, денеска во Киев изјави дека конфликтот на истокот во земјата чини околу 4,6 милиони евра дневно. „Операциите на истокот во Украина чинат 100 милиони гривни (4,6 милиони евра)“, рекол Порошенко на состанокот на Советот за национална безбедност и одбрана посветен на обезбедување на војската со оружје на истокот во земјата кој е под контрола на проруските сили. Порошенко истакнал дека државата, која е погодена од тешка економска криза, ќе издвои пет отсто од својот буџет за одбрана во 2015 година, односно 1 отсто помалку во однос на изминатата 2014 година и додал дека во текот на наредните години ќе биде извршена парцијална мобилизација. Украинскиот претседател поднел до парламентот закон со кој на Украина би требало да и се овозможи приклучување кон НАТО. Овој чекор би требало да доведе до укинување на статусит на Украина како неутрална земја ист како оној што го има и Швајцарија. „Неутралниот статус на Украина покажа дека е потполно неефикасно средство во осигурување на безбедноста на земјата“, навел Порошенко.