УКРАИНА УНИШТИ МОЌНА РУСКА РАДАРСКА СТАНИЦА: Дали сега ќе гаѓаат цели длабоко во Русија?

Добивај вести на Viber

Украина уништи моќна руска радарска станица. 

Украинските одбранбени сили употребија ракети АТАКМС за да уништат една од познатите руски радарски станици „Небо-М“, објави Генералштабот на украинската армија.

Во соопштението се истакнува дека уништувањето на радарот со долг дострел ќе создаде поволен „воздушен коридор“ и ќе ѝ овозможи на Украина ефикасно да ги користи крстосувачките ракети „Сторм Шадоу“ и „СКАЛП-ЕГ“ за нови мисии.

Украинскиот лидер Володимир Зеленски повеќепати побара од САД и од сојузниците на Украина да дозволат користење на ракетите „Сторм Шадоу“ за цели внатре во Русија како дел од најавуваниот „план за победа“. САД  засега не дадоа одобрение за предлогот.

Новиот генерален секретар на НАТО, Марк Руте, во четвртокот изјави дека Алијансата знае дека Украина има итни потреби во борбата против руската инвазија, за време на неговата посета на Киев и средбата со украинскиот претседател Володимир Зеленски.

Руската инвазија на Украина почна пред повеќе од 31 месец. Русија бараше денацификација, демилитаризација на Украина и признавање на независноста на Доњецк и Луганск. Потоа како цел се споменуваше ослободување на Донбас. Рускиот претседател Владимир Путин деновиве пак изјави дека Русија ќе ги постигне своите цели во Украина. 

foto printskrin X