УКРАИНА ЗАГРИЖЕНО ГО ЧЕКА ИСХОДОТ ОД ИЗБОРИТЕ ВО САД: „Трамп ќе не напушти“!

Добивај вести на Viber

Украина исцрпена по речиси три години руска инвазија, загрижено ги чека претседателските избори закажани за вторник во САД, при што некои стравуваат од катастрофа доколку победи Доналд Трамп, а многумина се надеваат дека Вашингтон нема да го напушти својот сојузник во критично време.

На само неколку дена пред изборите, украинската армија, на која и недостига жива сила и муниција, губи територија. Русија, од друга страна, наскоро би можела да добие засилување од севернокорејските војници.

Украинскиот амбасадор во САД: Победата на Трамп ќе создаде сериозни ризици

Од избувнувањето на војната во 2022 година, сојузниците на НАТО предводени од Вашингтон обезбедија клучна воена и финансиска поддршка вредна десетици милијарди долари, дозволувајќи му на Киев да продолжи да се бори против многу посилен противник.

Но, Европа и САД се повеќе се двоумат со месеци. Трамп не даде никакви индикации дека ќе му обезбеди на Киев средства да ја порази Русија.

„Победата на Трамп ќе создаде сериозни ризици. Ситуацијата ќе биде загрижувачка“, изјави за АФП Олег Шамшур, поранешен украински амбасадор во САД.

Украина најмногу се плаши дека Трамп ќе ја напушти

Најголемиот страв на Украина е дека републиканскиот милијардер Трамп ќе ги напушти, особено откако ја критикуваше американската помош и тврдеше дека може да ја заврши војната „за 24 часа“.

Трамп и неговиот тим „не веруваат во победа на Украина“ и сакаат „по секоја цена да ја запрат војната“ за да се фокусираат на конфликтот со Кина, наведува Шамшур.

„Планот на Трамп е катастрофален, Русија може целосно да ја уништи Украина“

Доналд Трамп никогаш не ги детализирал своите планови ниту јавно ја поддржал победата на Киев. Покрај тоа, за него велат дека му се восхитува на рускиот претседател Владимир Путин.

Според западните медиуми, планот на Трамп најмногу би бил поволен за Русија. Се состои од демилитаризација на областа окупирана од Москва (околу 20 отсто од украинската територија), без да се дозволи Киев да ја врати контролата врз таа област.

Украина, исто така, треба да се откаже од своите аспирации за членство во НАТО, како што бара Кремљ. Шамшур смета дека таквиот план е „погубен“, бидејќи Русија потоа ќе ја обнови својата војска, а подоцна повторно ќе нападне за „целосно да ја уништи Украина“.

„Трамп веројатно нема да сака да биде човекот со кој Америка загуби од Путин“

Украинскиот претседател Володимир Зеленски веќе ја отфрли можноста за какви било територијални отстапки.

„Украина нема да ги признае тие територии како руски без разлика на се, без оглед на исходот од изборите во САД“, рече Зеленски, признавајќи дека Москва би можела да „окупира дополнителни“ територии доколку Вашингтон ја намали поддршката за Киев.

Украина веќе се соочи со отпор од републиканците. Кон крајот на 2023 година и почетокот на 2024 година, поддржувачите на Трамп ја блокираа американската воена помош, принудувајќи ги украинските сили да рационализираат муниција, давајќи ѝ предност на Русија.