Украинците во еден ден се пробиле 40 километри кон Херсон, потврдија проруските сепаратисти

Добивај вести на Viber

Проруските сепаратисти објавија дека украинските сили напредуваат кон Херсон. 

Тие ослободиле села долж десниот брег на реката Днепар во јужна Украина, напредувајќи и на вториот фронт на кој почнаа противофанзива. Прорускиот шеф на управата на Херсон, Владимир Салдо, потврди дека украинските сили освоиле бројни населени места, стигнувајќи до околината на селото Дудчани, и тоа е напредување од околу 40 километри за само еден ден.

„Информациите се тензични. Украинците направиле пробив кај Днепар и имаат окупирано населени места“,  вели Салдо.

Советникот на министерството за одбрана Антон Герашченко денеска објави снимка од украински војници во селото Михајливка, што би бил напредок од 20-ина километри.

Само неколку часа по концертот на Црвениот плоштад во Москва, на кој се славеше анексијата на четири украински региони, руската војска мораше да се повлече од градот Лиман, од каде што се отвора простор за напредување кон Луганск. Напредокот на украинските сили на југот од Украина го потврдуваат и руски блогери. 

Чеченскиот лидер Рамзан Кадиров јавно го критикуваше руското воено раководство за неговиот неуспех на бојното поле во Украина. 

Тој објави дека ги испраќа своите три малолетни синови во војната во Украина. Посочува дека имаат 14, 15 и 16 години, но дека нивната воена обука почнала одамна, од мали нозе.

Тој шпекулира дека рускиот претседател Владимир Путин би можел да употреби нуклеарно или хемиско оружје доколку падне град кој неговите сили претходно го окупирале, пренесува Блиц.

Руската инвазија на Украина почна на 24 февруари. 

foto EPA/OLEG PETRASYUK