УКРАИНСКИ РАЗУЗНАВАЧИ УПАЃААТ ВО КАФУЛИЊА И РЕСТОРАНИ: Ги бараат мажите кои бегаат од војната

Добивај вести на Viber

Службата за безбедност на Украина (СБУ) спроведува антидиверзантски безбедносни мерки во Киев заедно со одделенијата на Министерството за внатрешни работи и Службата за миграција, соопшти прес-службата на Украинската разузнавачка служба.

„Во рамки на увидот на јавните локации, кој се врши трет ден по ред, се проверуваат лица потенцијално инволвирани во незаконски дејствија. Истовремено, претставници на канцелариите за регрутирање вршат проверка на потенцијални регрути меѓу граѓаните на Украина“, изјавија тие.

БиБиСи: Речиси 20.000 мажи побегнале од Украина

„Украинска правда“ пишува дека социјалните мрежи се преплавени со објави во кои се опишуваат посетите на разузнавачите и воените офицери на ресторани и кафулиња во Киев. Конкретно, на Телеграм беше објавено видео од ресторан, на кое се гледа како полицајци се во интеракција со гостите.

Големата истрага на Би-Би-Си откри дека речиси 20.000 мажи ја напуштиле Украина од почетокот на војната за да избегнат регрутирање. Други 21.113 мажи се обиделе да побегнат, но биле фатени од украинските власти, потврди Киев. По руската инвазија, на повеќето мажи на возраст меѓу 18 и 60 години им било забрането да излегуваат.