Употребата на црно-белите телевизори поевтина и во Британија сеуште во мода
Објавено во: Свет 14 Јануари, 2013
Современата технологија не успеа да ги „избрка“ црно-белите телевизори од домовите на над 13.000 Британци, но не поради носталгија, туку поради економски причини.
Телевизиската претплата за црно-бели телевизори, како што пренесува сајтот “The Register“, изнесува 49 фунти на годишно ниво, што е за речиси 100 фунти помалку од претплатата на телевизорите со програма во боја.
Интересно е дека најголемиот број регистрирани корисници на црно-бели телевизори има во Манчестер 0,8 проценти, односно кај првиот сосед на ИТ престолнината Салфорд. Во Лондон овој просек е 0,3 отсто.