Уште еден меѓународен аеродром ќе никнува во близина на Софија

Добивај вести на Viber

Нов аеродром ќе се прави во близина на Софија. Тешки патнички и карго авиони ќе можат да слетуваат во во Бугарија ако биде реализиран генералниот план за развој на поранешниот воен аеродром Кондофреи. Документот неодамна беше одобрен од експертскиот совет за цивилна и воздушна пловидба, но како што пренесе весникот „Стандард" , експерти коментираат дека планот е многу амбициозен. Тој вклучува изградба на нов патнички терминал , карго зона , платформи , гранични премини и царина , кои ќе го претворат поранешниот аеродромот во шесттиот меѓународено аеродром во Бугарија. Сериозните инвестиции според планот ќе ќе бидат потребни за 2500 метри долгата бетонска стаза за полетување и слетување која треба да се засили за да ја користат тешките цивилни авиони од типот на Boeing 737 , Airbus А320 и др . Врз основа на одобрениот план, сопственикот на аеродромот треба да извади документи и да добие дозвола за изградба. Воениот Аеродром е сместен на околу 60 километри од Софија , во близина на автопатот „Струма " кој го врзува главниот град со Перник , Ќустендил , Благоевград , Дупница , Радомир . Пред две години аеродромот со површина 378.8 хектари  беше продадено на аукција од Министерството за одбрана за 1,25 милиони лева. Според авиоекспертите, новиот сопственик планира да вложи околу 57 милиони лева , кои сепак тешко би можеле да се вратат од карго летови .