Уште една банка ја гази „короната“ со добивка од 20 милиони евра! Која е таа?

Добивај вести на Viber

Нето добивката на НЛБ Банка на крај на септември изнесува над 20 милиони евра што е за 13 отсто помалку од лани. Во корона услови банката го одржала нивото на нето приходи од провизии и надоместоци, ги зголемила нето приходите од курсни разлики и останатите приходи од дејноста, а најголемата приходна ставка е пониска за само 1,3 отсто што е помалку од пола милион евра во однос на лани.

Охрабрувачка вест за малите акционери и за потенцијалните инвеститори на нашиот пазар на капитал. НЛБ Банка, една од трите најголеми деловни банки, оствари нето добивка од 20,6 милиони евра за првите девет месеци годинава. И покрај тоа што добивката во првите девет месеци годинава е за 3,1 милиони евра пониска од лани, сепак со оглед на вонредните економски околности и бројни ограничувања предизвикани од „корона вирусот“
За првите девет месеци НЛБ Банка оствари нето приход од камати во износ од 35,6 милиони евра и тоа е за 1,3 отсто помалку од претходната година, шот повторно е одличен резултат постигнат во вонредни околности предивикани од глобалната здравствена пандемија. Во споредба со големиот конкурент „Комерцијална банка“, НЛБ Банка има за 6,1 милиони евра поголеми нето приходи од камати.

Одличен резултат НЛБ Банка постигнува со втората по големина приходна ставка – нето надоместоците од провизии и надоместоци. И покрај тоа што имаше шеесетдневно ограничување заради вонредната состојба во пролетта кое се одрази негативно и на вкупниот промет и банкарските трансакции на сите банки НЛБ успеа да прокнижи 13,1 милиони евра нето приход од провизии и надоместоци што е за само 53.000 евра помалку од истиот период лани. Вреди да се истакне дека банката успешно ги менаџирала помалите деловни операции. На пример суфицитот од нето курсните разлики за првите девет месеци е 3,1 милиони евра и тоа е за 37 отсто подобро од претходната година. Одличен раст има и кај останатите приходи од дејноста кои во споредба со истиот период лани се повисоки за 68 отсто односно за 2,65 милиони евра.

Во овој период резевациите на кредитните пласмани достигнале 7,2 милиони евра и тоа е за 2,3 пати повеќе од претходната година. Значаен раст има и кај загубата заради оштетување нефинансиски средства која изнесува 784.000 евра и тоа е за 11 пати повеќе во споредба со претходната година.

Кај билансот на состојба видлив е висок раст на вложувањата на банката во државни хартии од вредност. Тие на крај на септември изнесуваат 241 милиони евра и се за 63,7 милиони евра поголеми во споредба со крајот на 2019 година. Кредитите достигнале ниво од 939,5 милиони евра и тоа е за 50 милиони евра повеќе од состојбата на 31 декември 2019 година.

Р.Ф.