УТРИНСКИ ФОКУС: Каква порака ќе донесе Хан - Јанакиески заврши во приватна болница
Објавено во: Македонија 24 Јули, 2019
Во следните два дена Скопје ќе ги дочека европскиот комесар за проширување Јоханес Хан и Филип Рикер помошникот државен секретар на САД за Европа и Евроазија.
Хан доаѓа утре додека Рикер во земјава ќе пристигне в петок.
Како што се најавува теми на разговори ќе бидат реформите кои се однесуваат на евроинтегративните процеси на Македонија.
Какви пораки ќе донесат двајцата високи претставници ќе дознаеме по нивното заминување.
*
Лас Вегас во Македонија: Раст на бројот на автомати и обложувалници
Државата наплатила за една година 53,4 милиони евра од сите давачки кои се однесуваат за приредување игри на среќа. Во извештајот на Државниот завод за ревизија кој се однесува на буџетот на државата стои дека ова се 1,94 отсто од буџетот, а дека наплатата на овие давачки има нагорен тренд. Во оваа сума влегуваат посебните двачки од игри на среќа, даноците на доход од добивките, месечните паушали и надоместокот за лиценци. Сепак она што е значајно е што има значаен раст на бројот на отворени автомат клубови и обложувалници во последните три години.
* Бизнисот со дијализа подели 20 милиони евра во 2018
Безмалку 20 милиони евра фактурирале центрите за дијализа од Фондот за здравствено осигурување во 2018-та, односно 35 милиони денари повеќе од една година претходно поради зголемениот број на третмани.
*Миле Јанакиески пренесен во приватна болница
Миле Јанакиески од истражниот затвор Шуто Оризари е пренесен во приватна болница каде што треба да се види дали ќе му се прави оперативен зафат на поранешниот министер за транспорт и врски, кој е притворен поради неодговорно доделување на државни плацови.