УТРИНСКИ ФОКУС: МВР со детали за инцидентот во Волино - Тајфун го погоди Токио
Објавено во: Македонија 09 Септември, 2019
* МВР со детали и причините за инцидентот во Волино
Според Министерството за внатрешни работи до инцидентот во Волино, вчера дошло поради незадоволство од одлука на судија.
Во соопштението на МВР во кое се наведуваат причините и деталите за инцидентот, се наведува дека околу 17 часот, четириесет и седум годишно лице од селото Волино поради незадовослство на одлуката на судиите, за време на фудбалскиот натпревар помеѓу екипите на ФК Сатеска и ФК Црно Буки, влегло на теренот со цел да ги нападне судиите. Полицијата интервенирала, но при приведување на лицето, истото пружило отпор, но исто така и при вршење на полициската должност, односно при преведувањето на игралиштето и при транспортот, полицијата била попречена во извршување од седум лица, кои исто така биле од Волино.
* (ВИДЕО)Тајфун го погоди Токио: Откажани летови, милиони се без струја, има и загинати
Едно лице загина, а десетици се повредени кога
моќен тајфун утрово ја погоди областа Токио, предизвикувајќи повеќе од 100
летови да бидат откажани.
Исто така, еден милион домаќинствасе без
електрична енергија.
Тајфунот „Факсаи“, кој утрово го погоди крајбрежниот
град Чиба, со себе донесе големи врнежи од дожд и ветрови од 190 километри на
час, соопшти Јапонската метеоролошка агенција.
Невремето се пресели над Токио и го „парализираше
сообраќајот“, пренесува Си-Ен-Ен.
* Штрајкуваат пилотите на „Бритиш ервејс“: Речиси сите летови се откажани
„Бритиш ервејс“ објави дека ги
откажала скоро сите летови кон Велика Британија на првиот ден од штрајкот на
пилотите.
„Немаме друг избор освен да
откажеме скоро 100 проценти од летовите“, соопштија од администрацијата на
британскиот ерлајнс.
Штрајкот може да погоди десетици
илјади патници бидејќи компанијата обезбедува околу 850 летови дневно во Велика
Британија, при што повеќето заминуваат од лондонските аеродроми Хитроу и Гетвик.
„Бритиш ервејс“ се соочува
со пилотски ѓтрајк откако минатата недела одби да ги продолжи преговорите со
синдикатот „Балпа“.
* Американскиот специјален претставник Палмер денес во Црна Гора
Новоименуваниот специјален
претставник на САД во Западен Балкан Метју Палмер денес ќе ја посети Црна Гора.Се очекува Палмер да се сретне со
црногорскиот претседател Мило Ѓукановиќ,
пренесува РТЦГ.
По разговорите меѓу Ѓукановиќ и Палмер, ќе се издаде соопштение за јавноста, соопшти
црногорското претседателство.
* И Помпео со честитка за Денот на независноста
„Во име на Владата на САД и американскиот народ, упатувам честитки на народот во Република Северна Македонија по повод 28 години независност“ пишува во честитката американскиот државен секретар, Мајк Помпео а соопшти Стејт департментот.
Помпео во честитиката истакнува и дека ги поддржува настојувањата на Северна
Македонија да се приклучи кон НАТО и ЕУ.
„Вашата постојана посветеност на демократските принципи и владеење на правото придонесуваат не само на иднината на Република Северна Македонија, туку и мирот и безбедноста во регионот. Се радуваме што ќе ве дочекаме вас како 30. членка на НАТО“, наведува Помпео.