УТРИНСКИ ФОКУС: Сведочења на Лукаревска, Османи на пат во најсреќната земја, нови амбасадори
Објавено во: Економија 01 Февруари, 2019
Моите размисли сега се малку поразлични и тоа го сфатив кога дојдов на функцијата. Бев и инспектор, работев и во секторот фискализација и во правната служба, а мислев дека сите инспектори работат согласно закон и дека е незгодно да се договараш со обврзници да им го намалиш наодот или да им прогледаш низ прсти. Според последните анализи кои ги правиме, но и дојавите кои ги стигнуваат до нас, постојат тврдења дека има групи на инспектори кои наводно се на платен список на големи даночни обврзници, вели во денешното интервју директорката на Управата за јавни приходи Сања Лукаревска.
Вицепремиерот Бујар Османи оди во работна посета на земјата која има потреба од безмалку 150 000 работници бидејќи истата се соочува со стареење на населението.
Финска е земјата која ќе ја посети Османи а таа земја скоро беше прогласена за најсреќна земја во светот.
Новите редовни и вонредни македонски амбасадори кои ќе ја претставуваат земјата во Германија, Унгарија, Обединетите Арапски Емирати ќе дадат завршни зборови пред македонското Собрание, односно пред комисијата за надворешни работи пред да ги превземат новите должности.