Веле Самак доби Јавна Опомена од Антикорупциска
Објавено во: 19 Февруари, 2015 12:14
Од Државната комисија за спречување на корупцијата денеска соопштуваат дека постапувајќи по предмет од областа на судирот на интереси е констатирана состојба на судир на интереси кај министерот без ресор Веле Самак.
Имено, од ДКСК велат дека тој е потписник на договорот за доделување на државна помош од Република Македонија на правното лице МАРКАРТ Македонија ДООЕЛ Скопје како инвеститор, а во кое врз основа на договор за вработување е вработена неговата сопруга.
Опомената ќе следи во рок од 15 дена сметано од денот на приемот на барањето да превземе чекори во насока на отсранување на утврдените повреди на одредбите од Законот за спречување судир на интереси, односно доброволно да ја отстрани состојбата на судир на интереси во која се наоѓа.
Веле Самак не постапил по барањето на Државната комисија, поради што во смисла на член 23 став 3 од Законот за спречување судир на интереси Државната комисија за спречување на корупцијата донесе одлука на ова лице да му изрече мерка јавна опомена .
