Велика Британија најпримамлива дестинација за странските имигранти

Добивај вести на Viber

Најпримавлива дестинација за странските имигранти е Велика Британија, како за оние од земјите надвор од ЕУ, така и за лица од Унијата, покажува најновото истражување за имиграционите движења во Европа.

Според британските сознанија, еден од петмина имигранти во ЕУ се упатува кон Велика Британија. На крајот од 2011 година на британска територија имало најмногу странски имигранти -566.000, што е пвеке од Германија, која е втора на листата на најпрималивите дестинации, со 490.000 имигранти.

Владата во Лондон започна силна кампања за намалување на приливот на странски имигранти, бранејки ја таквата своја политика со загрозување на британските социјални фондови и неможноста на земјата да ги задоволи нараснатите побарувања во државното здравство, во образованието и во домувањето.

Три години по формирањето на сегашната влада, која во предизборната кампања ветуваше намалувањето на приливот на имигрантите, Велика Британија се уште не може да ги задоволи ветените бројки.

Покрај новововедените ограничувања за влез, а посебно за населување и работа на британска територија, Владата настојува да изврши и реорганизација на имиграциониот систем. Хоум Офисот најави дека се предвидува распуштање на сегашната британска погранична агенцја, која раководеше со системот за имиграција и негово враќање во рамките на Министерството за внатрешни работи.

Предупредувањата за неможноста да се контролира приливот на странските имигранти се совпаѓа со подготивките што ги презема Владата во Лондон за „бранот од нови ЕУ имигранти“, по укинуањата на огранилувањата за државјаните на Бугарија и  Ромамнија на 1 јануари 2014 година.