ВЕШТАЧКАТА ИНТЕЛИГЕНЦИЈА ТРГУВАШЕ НА БЕРЗАТА - И ОСТВАРИ НАЈДОБАР РЕЗУЛТАТ! Еве како ја надмина конкуренцијата и колку заработи

Добивај вести на Viber

Корисникот на Reddit, Натан Смит, ги сподели резултатите од својот шестмесечен експеримент во кој тестираше колку успешно може да се тргува со модел на вештачка интелигенција на берзата.

Смит го ангажираше ChatGPT, поточно неговата напредна верзија GPT-4o, и му даде почетен буџет од 100 долари. По првиот месец, вештачката интелигенција постигна поврат од 25%, што во овој случај е 25 долари профит. Иако сумата е мала, процентот на раст е значаен, особено имајќи предвид дека индексите како S&P 500 се зголемија за помалку од 3% во истиот период.

За разлика од традиционалните пазарни индекси, ChatGPT успеа да идентификува потценети акции со потенцијал за раст и со тоа да ја надмине конкуренцијата - барем во овој ограничен експеримент, пишува Nova.rs.

Вештачката интелигенција и берзата: Дали алгоритмите навистина можат да го надмудрат пазарот?

Ова не е прв пат вештачката интелигенција да биде тестирана за нејзината способност да ги предвиди движењата на берзата. Во декември, истражувачите на Универзитетот во Дуизбург-Есен објавија труд во кој тврдат дека моделите на OpenAI можат да идентификуваат профитабилни акции.

Сепак, не се согласуваат сите. Професорот по финансии на Универзитетот во Флорида, Алехандро Лопез-Лира, за Morningstar изјави дека годините симулации покажуваат дека вештачката интелигенција не е сигурна кога станува збор за тргување со големи количини пари.

„Резултатите изгледаат подобро на хартија отколку во реалноста. Ако вештачката интелигенција беше толку добра, сите ќе ја користеа, а тоа целосно би го нарушило пазарот“, рече Лопез-Лира.

И покрај своите ограничувања, експериментот на Натан Смит привлече големо внимание и покрена нови прашања за улогата на вештачката интелигенција во иднината на финансиите.