ВЕТУВАШЕ ЛЕСЕН ИЗЛЕЗ А СЕГА …Меј загрижена-што ли ќе ја снајде Британската економија?

Добивај вести на Viber

Британската економија ќе настрада од одлуката за напуштање на ЕУ и покрај присуството на економските податоци дека влијанието нема да е толку сериозно како што предвидуваа прогнозерите. Ова го изјави британскиот премиер Тереза ​​Меј на пат кон Кина за учество на самитот на Г-20, пренесоа агенциите.

Претстојат тешки времиња, изјави Меј. Видовме дека податоците даваат контрадикторни сигнали за ситуацијата во економијата во овој момент. Сметам дека таа ќе реагира подобро отколку што некои предвидоа по референдумот, но јас ќе бидам искрена и нема да лажам дека се оди добро, рече таа.

Меј е придружувана од шефот на Bank of England Марк Карни и од министерот за финансии Филип Хамонд, кој објави фискален стимул за заштита на растот.

Во меѓувреме, претседателот на Европскиот совет, Доналд Туск изјави на заедничката прес-конференција со претседателот на Европската комисија, Жан-Клод Јункер, дека нема да се водат преговори со Британија за условите за нејзиното излегување од Европската унија, пред Лондон официјално да го активира член 50 од Лисабонскиот договор и да започне процесот на напуштање, пренесоа американските медиуми.

Прелиминарните преговори не се во интерес на преостанатите 27 земји во ЕУ , продолжи Туск, цитиран од агенциите.

„Треба да ги заштитиме интересите на членовите на ЕУ, кои сакаат да останат заедно, а не на оние кои сакаат да ја напуштат Унијата“, рече тој.