Вице Заев превзеде фирма на Боро Стојчев
Објавено во: Економија 05 Септември, 2023 12:46
„Тотал Инженеринг Струмица“, градежната фирма на бизнисменот Вице Заев, пред повеќе од една недела станала нов сопственик на Бојана БС Панел, претпријатие дотогаш во сопственост на Боро Стојчев, познат по тоа што беше уапсен и осуден за шверц на цигари додека беше градоначалник на Општина Ново Село.
Десетина дена пред превземањето од страна на „Тотал Инженеринг“, Бојана БС Панел стана сопственик на местото на Стојчев на фирмата за производство на електрична енергија Бојана Енерџи. Седиштето на двете фирми е во Ново Коњарево во рамки на општината која што ја предводеше Стојчев, кого опозицијата го нарекува уште и „Боро Малборо“.
Поранешниот градоначалник на Ново Село од СДСМ, Боро Стојчев, заедно со уште едно физичко лице во март минатата година го основаше претпријатието за производство на електрична енергија Бојана Енерџи.
Стојчев инаку во 2018 заедно со уште четири лица, додека ја извршуваше функцијата градоначалник, беше фатен при обид за шверц на цигари во близина на македонско-бугарската граница. При тоа беа запленети околу 3.300 штеки цигари во вредност од над три милиони денари, а тој беше осуден на 18 месеци затворска казна, која подоцна беше намалена на половина година.
За ова време премиер беше Зоран Заев, брат на Вице Заев. „Тотал Инженеринг“ е најпознатата компанија во сопственост на Вице Заев како инвеститор во изградба и продажба на станбено-деловни комплекси.
Инаку во 2020 фирмата ЕКО- ЕНЕРЏИ КОСМОС, управувана од синот на Боро Стојчев, доби лиценца за одгледување канабис од Министерството за здравство, односно од Владата, одлука што предизвика негативни реакции кај јавноста.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
