(Видео 18+) Која е жената што грубо тепа дете во скопско кафуле
Објавено во: Македонија 21 Ноември, 2019
Која е жената што грубо го тепаше малото детенце во една скопска игротека? Фактор предупредува дека станува збор за вознемирувачко видео и содржина.
Kафе барот Дежаву во Капитол мол во Скопје објави видео од една од своите безбедносни камери, на кои се гледа како жена тепа и малтретира мало детенце, кое, веројатно, нема повеќе од мдве години.
Како што покажуваат камерите, таа дошла во игротеката на кафулето со три дечиња, веројатно братчиња. Во еден момент таа го влече едното од децата, грубо го седнува на нејзиниот скут, па го зема, му мава шлаканици, па грубо го фрла на една столица. Тука видеото се прекинува, и не може да се види што понатаму се случувало.
Не е познато дали жената е мајка на децата, или се работи за негователка или нешто друго.
Фактор го објавува ова видео во надеж дека надлежните институции, како што е пред се Министерството за внатрешни работи, што побргу ќе го откријат идентитетот на оваа несовесна жена, и против неа ќе преземат соодветни мерки.