Добивај вести на Viber
Вода која носи се пред себе, поплавени домови, уништени автомобили - циклонот Бранко кој од вечера беснее на Балканот ги врати сликите на водената стихија која го зафати регионот во мај и предизвика огромни штети.
Едно лице загина во Бања Ковиљача во Србија - се удавил во подрумот на сопствената куќа каде се симнал за да се обиде да го затвори прозорецот. Надлежните во погодените региони со исклучителни напори се обидуваат да го заштитат електроенергетскиот систем и да обезбедат непрекинато снабдување со струја на населението.
http://www.youtube.com/watch?v=y1juvKwY2vE
Водата повторно надоаѓа и во реката Врбас во Република Српска, заради што во Бања Лука одново е прогласена вонредна состојба. Се појавиле нови локации на лизгање на земјиштето, а едно младо момче е пријавено за исчезнато. Градскиот штаб за вонредни ситуации ги повикува граѓаните редовно да ја следат состојбата и препораките на екипите за Цивилна заштита.
http://www.youtube.com/watch?v=9euknsq7DwI
Метеоролозите најавија дека циклонот ќе ја зафати и Македонија. Вчера врнежите беа со послаб интензитет, но денеска се очекува да се засилат. Карактеристично за овој циклон, освен поројните дождови се и силни грмотевици и ветер.