(ВИДЕО) Брод за крстарење на „Ројал Карибиан“ кој поставува нови стандарди

Добивај вести на Viber

Компанијата Ројал Карибиан го пушти во употреба својот најнов брод за крстарење, кој претставува врв на луксузот и нуди уникатно патувачко искуство. Станува збор за бродот „Квантум оф д Сис“, кој заплови од Саутхемптон во Англија кон Њујорк, САД. „Квантум“ е трет најголем брод за крстарење на светот, долг е 347 метри и може да прими 4.000 патници. Се издигнува на 16 палуби над морското нив, а околу палубиде има атлетска патека за трчање која е дури 133 метри подолга од олимписката патека. За патниците се грижат дури 1.500 членови на екипажот, а понудата на крузерот е таква што тој дефинитивно ќе ги промени правилата за игра на пазарот. Освен хотелско сместување и шопинг центар, тој на патниците им нуди и многу новитети, кои за првпат се гледаат на кој било брод. На пример, Квантум на патниците им нуди симулатор на падобрански скокови, панорамски поглед во купола која кран ја подигнува на висина на 30-катница и прв роботски бар, наречен Бионик Бар. Освен ова патниците во која и да е кабина на бродот добиваат поглед на морето, така што тој се симулира со виртуелен балкон. Погледнете го овој неверојатен луксуз: http://www.youtube.com/watch?v=tuN8GBiVMLY http://www.youtube.com/watch?v=OPkIwA7C3aw http://www.youtube.com/watch?v=mRkHdXw7M-w Инаку Ројал Карибиан е фирмата која неодамна одлучи да не вработува Македонци на своите бродови за крстарење, откако утврди дека многу од нив лажирале здравствени проблеми за да ја тужат компанијата. Коузон потврди: Нема веќе работа за Македонците на брод затоа што симулирале здравствени проблеми